溫馨的鹹肉粽

端午節又到了!! 亦係一年一度溫馨家庭活動 - 包粽日!!

媽媽年年都會包粽, 還整得好好味 (x100)!!!!! 雖然媽媽已離開了十幾年, 但我和家姐同婆婆都會延續媽媽這個包粽的傳統!! 這是一個很窩心的家庭活動, haha!!!

連婆婆也參與! hahaha!

我當然沒有媽媽的那麼好味, 但我已經不停改進㗎喇, 希望有一年可以做到媽媽包的那個味道!!

近幾年, 粽的花樣多到不得了! 但我還是喜愛傳統媽媽包的這一款! 鹹肉粽! :)

其實包粽過程都幾麻煩, 幸好有工人姐姐幫手!!

材料: (大約 20隻)
1. 粽葉和草繩   2 包
2. 糯米  3 斤
3. 鹹蛋  10-20 隻 (個人口味不同)
4. 豬腩肉  1/2 斤
    (豬腩肉調味: 豉油 5湯匙, 紹興酒 3湯匙, 味醂 2湯匙, 鹵水汁 1湯匙, 蠔油 1湯匙, 鮑魚汁 1湯匙, 五香粉 2茶匙, 水 1湯匙)
5. 燒肉  1/2 斤
6. 冬菇   4 隻
7. 乾瑤柱    適量
8. 開邊綠豆   半斤

** 材料可因應個人喜好加加減減

做法:
1. 豬腩肉洗淨, 醃一晚

豬腩肉要醃一晚才入味

2. 冬菇浸一晚至軟身. 加一湯匙蠔油, 一茶匙糖, 少許粟粉蒸一少時, 然後切厚片

3. 乾瑤柱浸半日至軟身

4. 糯米用凍水浸六小時, 家一湯匙油, 5 湯匙鹽
六小時後加入醃肉的 sauce 和瑤柱水, 再浸一小時直至變啡色, 瀝乾備用

5. 開邊綠豆亦要浸六時

6. 粽葉要用熱水"sap" 一小時, 草繩用熱水浸軟

7. 鹹蛋我喜歡開邊切半, 若你喜歡多一點鹹蛋, 可用原隻

8. 拿三塊粽葉, 加入自己喜愛的餡料

上面再加一些糯米

9. 拿多兩塊粽葉蓋好, 用草繩扎好便完成

10. 煲滾水, 用中細火 "sap" 一至一個半小時便完成了!!!!!

11. 待涼半小時便可以食!!! Yummy!!!

Jo Jo 小 tips:
1. 若怕肥, 豬腩肉可改用梅頭肉或豬柳肉

2. 燒肉會令粽更香

3. 冬菇要用調味蒸過材香!!

4. 買綠豆記住要買 "開邊綠豆"!! 若買了有殼的綠豆, 就是煲綠豆沙了, hahaha!!!!

各位, 端午節快樂!!