現今社會, 好多人都有養狗, 愛錫狗狗就如愛錫自己生的bb一樣, 想它們快快樂樂地成長.
一隻小狗, 應該無憂無慮去生活, 得到愛錫. 當病了, 主人要決定醫唔醫, 繼唔繼續, 當然心想盡力醫好, 但令一方面又唔想太辛苦, 小狗亦沒有能力去決定要唔要接受治療.
究竟那時候應堅持, 那時候應放手??
_______________________________________________________________
小horlick差不多兩歲多發病, 突然行唔到, 左後腳無力. 經磁力共震發現它患了 syringomyelia (脊髓空洞症). 脊髓積滿了水, 引至神經受損.
知道那一刻心如刀割, 不明白為甚麼一隻小狗咁細個就要受苦!!! 這是不治之症, 只可以用藥物控制, 手術也幫不到. 因要食類固醇, horlick 很快變得好肥, 慢慢由一隻活潑可愛, 開心出街的小狗變成了一隻行幾步都會喘氣的小肥.
和醫生商議後, 決定當病情穩定時減藥, 令小horlick冇咁辛苦.
現在已食藥三年, 病情也很穩定. 雖然腳仔還有少少傷殘, 但起碼行得走得, 體重沒有再上升, 我已很開心了. Horlick 也習慣食藥, 亦知道無論有沒有病, 我都一樣愛錫它.
 |
| Horlick, 就算變了肥仔, 媽咪一樣咁愛你! |
_______________________________________________________________
小黑 Stevie 更坎坷. 被無良狗主caged了五年, 終於好彩由 LAP 救出, 我帶了小黑回家.
可憐的小黑, 剛剛帶回家好細膽, 好瘦, 滿口爛牙, 對人類毫無信任.
好彩, 經過幾天便愛上了有人寵愛, 漸漸習慣和我一起生活. 經絕育, 洗牙, 剝牙, 沖涼剪毛後, 變成了一隻可愛小狗!! 最喜歡跳上跳落梳花, 玩毛巾!
可惜, 有一次驗血發現血小板過低, 這就是惡夢的開始!
每星期也要看獸醫, 加藥. 由一種藥食到六種藥還沒有好轉, 食藥食到傻傻地, 失去活力, 唔睬人, 已不再是剛回來的小黑!! 還不時有肚疴和尿頻.
前幾天, 獸醫建議試試化療藥, 看看可不可以刺激血小板上升. 打了一針, 小黑好唔舒服, 不停嘔和肚疴, 還新驗到有胰臟炎, 心痛死我!!!
 |
| 可憐小黑, 在病房很孤單! |
 |
| 又疴又嘔, 好疲倦! |
看見小黑咁辛苦, 我心裡很難過, 我不知道應該怎樣做. 好一隻小狗, 過去五年已沒有自由. 現在有我和家人愛錫, 但又要受病魔折磨. 為何要受咁多苦???
真的希望小黑可以快點兒康復 ... 但萬一沒有好轉, 我應該怎樣做? 有人可教教我嗎??
沒有留言:
張貼留言