日式雞絲冷麵

又是冷麵出擊的時候了!!! 日日都咁熱, 食冷麵比較適合!

味道豐富又健康, 快d試試啦!!

材料: (2人份量)
1. 雞柳   4-5條
2. 溫室青瓜  2條
3. 京葱   少許
4. 拉麵   2個
5. 雞柳調味: 隨意便可, 我喜愛用蒜香汁. 但用鹽和胡椒粉加少許蠔油也可以
6. 日式麻醬  適量
7. 芝麻   少許
8. 日式冷麵汁  1湯匙


做法:
1. 把雞柳醃 30分鐘

2. 青瓜和京葱切絲, 備用

3. 拉麵煮滾, 熄火, 用凍水過冷河一份鐘, 瀝乾. 加少許麻油, 攪勻

4. 少少油, 用慢火起鑊. 用超慢火煎熟雞柳, 然後手撕成雞絲

5. 拉麵加一湯匙冷麵汁攪勻. 加上青瓜和京葱絲, 再加上雞絲.

6. 最後淋上日式麻醬和加芝麻便完成!!! 好味!!

Jo Jo 小 tips:
1. 若喜歡青瓜酸一點, 可用米醋和鹽浸十份鐘, 再用凍水洗淨瀝乾

2. 醃雞柳我喜愛用蒜香汁. 這個汁醃任何肉類和魚類都好好味, 大家可以試下!!
Jusco 超市有售.

3. 雞柳一定要用超慢火去煮才會能保持水份, 不會太硬