我有點八卦, 便 download 了看看.
(但 file 太大, download 唔到. 請到這 link 收看. http://vimeo.com/55518594)
看完了, 大有感觸! 這班"師兄師姐"實在做了一個好好的榜樣, 甚麼才是一個好醫生!!!
這真的令我再次反省自己有沒有盡力做好自己的本份, 有沒有做一個好醫生!!!
-------------------------------------------------------------------------------
實集醫生係好辛苦的一年, 絕對不是你們看 "on call 36 小時" 的那樣輕鬆, 那樣"型"!!!
實集醫生是做一個"真正"醫生的開始!!!! 有好多人也會埋怨實集醫生無用, 成日出錯, "阻住晒!" 但其實每個實集醫生也有自己的抱負去做好本份! 若沒有了實集這一年, 並不會有今天出色的醫生!!! 希望大家可以體諒一下這班實集醫生的努力, 為佢地加油, 給佢地多一點的鼓勵!
最令我深刻的三段說話:
1. 之後大家都會去唔同的地方. 大家將會係一個醫生, 一個 professional. 以後點樣做, 會有好多人視你為榜樣. 醫學院唔會逐個字教你點樣做個好醫生, 但我地自己有自己的 standard. 我好希望大家會做一個心裡面或在醫學院好期望的一個好醫生!
2. 我有日試過唔知醒. 直至到 6am 有人 call 我去做野, 我先至 "札"醒. 其實個主診醫生又無鬧我, 但自己良心過意唔去lor!
3. 我希望唔會做到麻木. 我睇法係話"我驚自己會麻木". 因為你其實日日見的病症都差唔多, 但人係唔同. 你見病症一百次, 但病人只係見你一次. 佢將這一次的所有希望放晒响你度, 但你就日日都見好多個係"gum"樣! sigh ...... 唯有係當每一個病人都係獨立的 ...
看到這裡, 真的有點眼淚! 講得很對, 每個病人都將這一次的所有希望放晒响你度, 若你不盡力去做, 這對得住"良心"嗎?
-------------------------------------------------------------------------------
今天在門診, 有位病人送了一包 "椰子糖"比我. 她去海南島旅行, 特別買來送給我的. 我真是好感動, 這亦再次令我回想這段說話 - "你見病症一百次, 但病人只係見你一次!" 我為她做過的, 她記得很清楚, 就連去旅行也想起我! 這就是我的榮幸!
我不是要貪念, 亦不需要每個病人也記得我. 但今天工作上的這個小插曲, 令我很感動, 証明了我對病人的愛! 亦令我很振奮去再做好一點!!!! :) :) :)
--------------------------------------------------------------------------------
所以在職的醫護人員, 我們要更努力, 每天再做好一點!!! 為每位病人加油, 亦要為自己加油!!! Let's create a better world together, hand in hand!
沒有留言:
張貼留言